பொதுவாக சில பெண்கள் என்னத்தான் கலராக இருந்தாலும் கை, கால் முட்டிகள் கருமையடைந்து காணப்படும்.
மூட்டுகளில் கருமை வருவதற்கு காரணம், அங்கே மெலனின் செல்களின் சுரப்பு அதிகமாகியிருக்கும். அதுமட்டுமின்றி இறந்த செல்கள் தங்கி, அந்த இடம் பாதிப்படைந்து கருமையாக அசிங்கமாக காணப்படும்.
இதனை போக்க ஒரு சில இயற்கை வழிகள் உள்ளன. தற்போது அவை என்னென்ன என்பதை பார்ப்போம்.
- சிறிது சர்க்கரையை எடுத்து பிறகு காய்ச்சாத பால் மற்றும் தேன் சேர்த்து கலக்கவும். இவை கெட்டிப்பதத்தில் இருக்கும் போது உங்கள் முழங்கால்களில் தடவி மெதுவாக தேய்த்தால் இறந்த தோல்கள் வெளியேறும். தொடர்ந்து இதை செய்து வந்தால் உங்கள் கருமையான முழங்கால்கள் இயற்கையான முறையில் மென்மையாக மாறும். நிறம் படிப்படியாக குறையும்.
- முட்டி கருமையை போக்க சுத்தமான காட்டனை எடுத்து எலுமிச்சை சாறு நீர்த்து அதில் நனைத்து முழங்கால்களில் எலுமிச்சை சாறு மசாஜ் செய்த பிறகு 15 முதல் 20 நிமிடங்கள் வரை இருக்கட்டும். இது தோல் எலுமிச்சை சாற்றை உறிஞ்ச உதவும். தினமும் இரண்டு முறை இதை செய்து வந்தால் நல்ல பலன் கிடைக்கும்.
- சர்க்கரை மற்றும் ஆலிவ் எண்ணெய் இரண்டும் நன்றாக கெட்டியாக இருக்கட்டும். இதை முழங்காலில் முட்டி கருப்பு இருக்கும் இடங்களில் தடவி மசாஜ் செய்து வந்தால் அந்த பகுதியில் மென்மையாக தேய்த்து வந்தால் அந்த இடம் இலேசாகும். கவர்ச்சியாக இருக்கும்.
- பாதாமை பொடித்து வைத்து அதில் தயிர் சேர்த்து பேஸ்ட் ஆக்கி குழைக்கவும். இதை முழங்கால்களில் தடவி 1 மணி நேரம் அப்படியே வைத்திருந்து பிறகு குளிர்ந்த நீரில் கழுவி வந்தால் வித்தியாசத்தை உணர்வீர்கள்.
- தேங்காயெண்ணெய் எடுத்து முழங்கைகள் மற்றும் முழங்கால்களில் நன்றாக மசாஜ் செய்யவும். அது முழுவதுமாக உள்ளே செல்லும் வரை மசாஜ் செய்யவும். இந்த நேரத்தில் சோப்பு பயன்படுத்த வேண்டாம். அப்படியே சருமத்தை உலர விடவும்.
- ஆலிவ் எண்ணெயுடன் சர்க்கரை கலந்து முட்டி கருப்பு இருக்கும் இடத்தில் ஸ்க்ரப் செய்யலாம்.
- பாசிப்பயறு மாவுடன் தயிர் கலந்து முட்டி கருப்பு இருக்கும் இடத்தில் மசாஜ் செய்து வந்தாலும் நாளடைவில் அவை குறையும்.
- தேனுடன் பால் கலந்து மசாஜ் செய்யலாம். ஷியா பட்டர் வாங்கி தினமும் இர்வு துங்கும் போது கருமையான இடங்களில் முட்டி, கை முட்டியிலும் தடவி வரலாம்.
- தயிருடன் வினிகர் கலந்து மென்மையான மசாஜ் செய்து வருவதன் மூலம் முட்டியில் இருக்கும் இறந்த செல்கள் நீங்கி முட்டி மென்மையாக மாறும்.
- வெள்ளரிக்காய் மசித்து அதை முட்டியின் மீது போட்டு 10 நிமிடங்கள் அப்படியே வைக்கலாம். அல்லது வெள்ளரிக்காய் சாறை தடவி மென்மையாக மசாஜ் செய்து விடலாம். இதன் மூலம் கருமை நீங்கி அந்த இடம் மென்மையாக இருக்கும்.
