தமிழ் சினிமாவில் குழந்தை நட்சத்திரமாக அறிமுகமாகி, பல வெற்றிப்படங்களில் நடித்தவர் தான் நடிகை மீனா. 90ஸ் காலக்கட்டத்தில் இவரை பிடிக்காத நபர்களே இருக்க முடியாது. அந்த அளவிற்கு மீனா பிரபலமானார்.
கடந்த 2009ம் ஆண்டில் வித்யாசாகர் என்பவரை திருமணம் செய்துகொண்டார். திருமணத்திற்கு பிறகு கணவரின் முழு அனுமதியோடு படங்களில் நடித்தும் வந்தார். தன் மகள் நைனிகாவையும் படத்தில் நடிக்க வைத்தார்.
இதனையடுத்து அண்மையில் மீனாவின் கணவர் உடல்நலக்குறைவால் பாதிக்கப்பட்டு உயிரிழந்தார். இச்சம்பவம் இந்திய திரையுலகினர்களை அதிர்ச்சியில் ஆழ்த்தியிருந்தது.
மீனாவை கொல்ல நினைத்தேன்
இந்நிலையில், அன்புள்ள ரஜினிகாந்த் படத்தில் நடித்த சோனியா போஸ், நடிகை மீனா குறித்து சில விஷயங்களை பகிர்ந்துகொண்டிருக்கும் தகவல் வாயடைக்க வைத்திருக்கிறது.
அதாவது, மீனாவும், நானும் அந்த படத்தில் இணைந்து ஒன்றாக நடித்தோம். அப்போது சூப்பர் ஸ்டார் ரஜினியுடன் சேர்ந்து நான் பல காட்சிகளில் நடித்திருந்தேன். ஆனால், படம் வெளியாகி பிறகு பார்த்தால் என்னுடைய காட்சிகள் வரவில்லை.
மீனாவும், ரஜினியும் ஒன்றாக இணைந்த நடித்த காட்சிகள் மட்டும் தான் அதிகமாக வந்திருந்தது. இதனால் எனக்கு மீனாவின் மீது அதிக கோபம் ஏற்பட்டது. அவரை கொன்றுவிடலாம் என்று கூட எனக்கு தோன்றியது.
ஏனென்றால் சூப்பர் ஸ்டாரை எனக்கு மிகவும் பிடிக்கும். அப்படி இருக்கும்போது என்னுடைய காட்சிகள் இடம் பெறாமல் மீனாவுடைய காட்சிகள் மட்டுமே வந்தது எனக்கு கோபத்தை ஏற்படுத்தியது.
இதனால் சிறிது நாட்கள் நான் மீனாவின் மீது கோபமாக இருந்தேன் என்று வெளிப்படையாக தெரிவித்துள்ளார் சோனியா. பல வருடத்திற்கு பிறகு கூறியிருக்கும் இந்த தகவல் ரசிகர்களை ஆச்சரியப்பட வைத்திருக்கிறது.
