13 வருடங்களுக்கு முன்பு, 2009ஆம் ஆண்டில் ரோஹித் ஷர்மா டெக்கான் சார்ஜஸ் அணிக்காக விளையாடினார். அப்போது மும்பை இந்தியன்ஸ், டெக்கான் சார்ஜஸுக்கு எதிரான போட்டியில் டெக்கான் அணிதான் முதலில் பேட்டிங்கை தேர்வு செய்தது.
20 ஓவர்கள் முடிவில் அந்த அணி 145/6 ரன்களை சேர்த்தது. ரோஹித் ஷர்மா 38 ரன்களை விளாசியிருந்தார். இதனைத் தொடர்ந்து இலக்கை துரத்திக் களமிறங்கிய மும்பை இந்தியன்ஸ் அணி 15 ஓவர்கள் முடிவில் 103/4 என ரன்களை சேர்த்திருந்தது. அந்த சமயத்தில் ரோஹித் ஷர்மாவுக்கு ஒரு ஓவர் வழங்கப்பட்டது. அவர் கடைசி இரண்டு பந்துகளில் அபிஷேக் நாயர் (1) மற்றும் ஹர்பஜன் சிங் (0) ஆகியோரை வீழ்த்தி அசத்தினார்.
இதனைத் தொடர்ந்து 18ஆவது ஓவரின் முதல் பந்தில் ஜேபி டுமினி (52) விக்கெட்டை வீழ்த்தி ஹாட்ரிக் விக்கெட் சாதனையைப் படைத்தார். மேலும், டெக்கான் சார்ஜஸ் அணியின் வெற்றிக்கு முக்கிய காரணமாகவும் இருந்தார். டெக்கான் அணி 19 ரன்கள் வித்தியாசத்தில் வெற்றிபெற்றது. ரோஹித் ஷர்மா 2 ஓவர்களில் 6 ரன்களை விட்டுக்கொடுத்து 4 விக்கெட்களை கைப்பற்றி வரலாறு படைத்திருந்தார்.
அந்த சீசனில் டெக்கான் அணிதான் கோப்பை வென்றிருந்தது. அதன்பிறகு மும்பை இந்தியன்ஸ் அணிக்கு வந்த ரோஹித் ஷர்மா 5 முறை கோப்பை வென்றுகொடுத்துள்ளார். இப்படி மொத்தம் 6 முறை கோப்பை வென்ற அணியில் நீடித்த ஒரேயொரு ஐபிஎல் வீரராக ரோஹித் ஷர்மா திகழ்கிறார்.
அதே ஆண்டில் 2009-ல், யுவராஜ் சிங்கும் ஹாட்ரிக் விக்கெட்டை வீழ்த்தியிருந்தார் என்பது குறிப்பிடத்தக்கது.
