பந்துவீச்சில் மிரட்டிய ஷர்துல்: பஞ்சாப் அணியை திணறடித்து வெற்றியை ருசித்த டெல்லி அணி

பஞ்சாப் கிங்ஸ் அணிக்கு எதிரான ஆட்டத்தில் டெல்லி கேபிடல்ஸ் 17 ஓட்டங்கள் வித்தியாசத்தில் அபார வெற்றி பெற்றுள்ளது.

மும்பையில் உள்ள டாக்டர் டிஒய் பாட்டீல் மைதானத்தில் வைத்து நடைப்பெற்ற ஐபிஎல்-யின் 64 வது லீக் போட்டியில் பஞ்சாப் கிங்ஸ் மற்றும் டெல்லி கேபிடல்ஸ் அணிகள் மோதின.

இதில் டாஸ் வென்ற பஞ்சாப் கிங்ஸ் அணி முதலில் பந்துவீச்சை தேர்வு செய்யவே, முதலில் களமிறங்கிய டெல்லி கேபிடல்ஸ் அணி 20 ஓவர்கள் முடிவில் 7 விக்கெட்களை இழந்து 159 ஓட்டங்கள் குவித்தது.

டெல்லி அணியில் அதிகபட்சமாக மிட்செல் மார்ஷ் 48 பந்துகளில் 4 பவுண்டரிகள் 3 சிக்ஸர்களுடன் 63 ஓட்டங்கள் சேர்த்து, அணியின் மொத்த ஓட்டங்களின் எண்ணிக்கைக்கு பெரிதும் உதவினார்.

இதனைத் தொடர்ந்து இரண்டாவது பேட்டிங்கில் களமிறங்கிய பஞ்சாப் கிங்ஸ் அணி ஆரம்பம் முதலே ஓட்டங்களை குவிக்க தவறியதுடன் மட்டும் இல்லாமல் விக்கெட்களையும் அடுத்தடுத்து பறிக்கொடுக்க தொடங்கியது.

பந்துவீச்சில் மிரட்டிய ஷர்துல்: பஞ்சாப் அணியை திணறடித்து வெற்றியை ருசித்த டெல்லி அணி

இதனால் ஆட்டத்தின் இறுதியில் பஞ்சாப் கிங்ஸ் அணி 9 விக்கெட்களை இழந்து வெறும் 142 ஓட்டங்களை மட்டுமே சேர்த்தது. இதன் முலம் டெல்லி கேபிடல்ஸ் அணி பஞ்சாப் கிங்ஸ் அணியை 17 ஓட்டங்கள் வித்தியாசத்தில் தோற்கடித்தது.

பஞ்சாப் கிங்ஸ் அணியில் அதிகபட்சமாக ஜிதேஷ் சர்மா 34 பந்துகளில் 3 பவுண்டரிகள் 2 சிக்ஸர்களுடன் 44 ஓட்டங்கள் சேர்த்து இருந்தார்.

பந்துவீச்சில் மிரட்டிய ஷர்துல்: பஞ்சாப் அணியை திணறடித்து வெற்றியை ருசித்த டெல்லி அணி

கூடுதல் செய்திகளுக்கு: பின்லாந்து மற்றும் ஸ்வீடனை தாக்கினால்…உதவிக்கரம் நீட்டிய நார்டிக் நாடுகள்: வீழும் ரஷ்யா!

இந்தபோட்டியில் அபாரமாக பந்துவீசி 4 விக்கெட்களை அதிரடியாக கைப்பற்றிய டெல்லி கேபிடல்ஸ் வீரர் ஷர்துல் தாக்கூர் ஆட்டநாயகனாக தேர்வு செய்யபட்டார்.